Petropavlda zeınetker tórtinshi qabattyń terezesinen qulap, mert boldy

PETROPAVL. KAZINFORM — Petropavlda joǵary qabattan qulap ketken áıel birden aýrýhanaǵa jetkizilgenimen, dárigerler onyń ómirine arasha túse almady. 

 Петропавлда зейнеткер төртінші қабаттың терезесінен құлап, мерт болды
Фото: Kazinform

Soltústik Qazaqstan oblystyq polıtsııa departamenti baspasóz qyzmetiniń málimetinshe, mert bolǵan áıeldiń jasy 67-de. Qazirgi ýaqytta onyń ólimine qatysty sotqa deıingi tergeý júrgizilip jatyr.

— Oqıǵa 14 qazan kúni boldy. Áıel Sátbaev kóshesindegi turǵyn úıdiń tórtinshi qabattaǵy terezeden qulap ketken. Medıtsınalyq mekemede onyń ómiri úshin dárigerler arpalysqanymen nátıje bermedi.

Qazirgi ýaqytta oqıǵanyń mán-jaıy anyqtalyp jatyr. Tergeý qorytyndysy boıynsha zań aıasynda protsestik sheshim qabyldanady, — delingen baspasóz habarlamasynda.

Buǵan deıin Petropavlda jerasty jylý kollektorynda órt shyǵyp, bir áıel mert bolǵanyn jazǵan edik.

Сейчас читают