Petropavlda izdeý jarııalanǵan 73 jastaǵy áıeldiń máıiti tabyldy

PETROPAVL. KAZINFORM – Zeınetkerdiń umytshaqtyq aýrýy bar bolǵandyqtan, ol úıinen shyǵyp ketip, qaıtar joldy taba almaǵan. 

Soltústik Qazaqstan oblystyq polıtsııa departamenti baspasóz qyzmetiniń málimetinshe, 73 jastaǵy áıeldiń denesi aınalma joldyń mańynan tabyldy. Saraptama qorytyndysy onyń sýyqtan úsip qaıtys bolǵanyn kórsetti. 

Osy derekke qatysty qazir sotqa deıingi tergeý júrip jatyr.

– Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan tergeý áreketteri júrgizilýde. Qazaqstan Respýblıkasy Qylmystyq-protsestik kodeksiniń 201-babyna sáıkes, ózge aqparat osy kezeńde jarııalaýǵa jatpaıdy, - delingen polıtsııanyń habarlamasynda. 

Buǵan deıin de Petropavlda egde jastaǵy áıel dalada qalyp, mert bolǵan edi. 76 jastaǵy zeınetker emhanaǵa barmaq bolyp shyǵyp, jolda adasyp ketken. Ony tek kelesi kúni ǵana ýchaskelik polıtsııa ınspektory adamdar sırek júretin aýmaqta, aýrýhana mańyndaǵy sharýashylyq ǵımarattyń janynan tapty. Jaǵdaıy aýyr zeınetker jedel túrde jedel járdem brıgadasyna tapsyrylyp, kórsetilgen medıtsınalyq kómekke qaramastan, kóz jumdy.