Petropavlda zaýyt órtendi
PETROPAVL. QazAqparat – Petropavlda ótken túnde elektroqshaýlaǵysh zattaryn shyǵaratyn kásiporynda órt shyqty, dep habarlaıdy QazAqparat tilshisi.
Soltústik Qazaqstan oblysy tótenshe jaǵdaılar departamenti baspasóz qyzmetiniń málimetinshe, 17 qarashadan 18-ine qaraǵan túni saǵat 03.00 shamasynda Petropavldaǵy Krepostnoı kóshesindegi «Izolıt» JShS-niń bir qabatty ǵımaratynda órt shyqty. Kásiporyndaǵy tehnıkalyq shahtada turǵan lakty mata jáne elektroqshaýlaǵysh materıaldar shyǵaratyn qondyrǵydan ushqyn ushqan eken.
«Órt sóndirýshiler kelgende jalyn 144 sharshy metr aýmaqqa jaıylyp úlgergen eken. Ǵımarattyń beton qabyrǵalary bıik, 12 metr. Oqıǵa ornynan 4 adam qaýipsiz jerge shyǵaryldy. Zardap shekkender men qaza tapqandar joq. Órt tek tańǵy saǵat 05,36 mınýt ketkende tolyq sóndirildi», - dedi departamenttiń baspasóz hatshysy Evgenıı Jýravlev.
Buǵan deıin Petropavldaǵy tehnıkalyq qyzmet kórsetý stansasynda turǵan kólikterdiń biriniń gaz qondyrǵysy jarylyp, 9 adamnyń jaraqattanǵanyn aıtqan edik. Zardap shekkenderdiń beseýi aýrýhanaǵa jatqyzyldy. Báriniń beti-qolyn kúıik shalǵan.
