Petropavlda zańsyz jumys istegen taǵy bir krıptoferma tabyldy

PETROPAVL. QazAqparat - Memleket basshysynyń maınıngtik fermalardy anyqtaýǵa qatysty tapsyrmasyn oryndaý barysynda Qarjylyq monıtorıngi agenttiginiń SQO aýmaqtyq departamentiniń qyzmetkerleri krıptofermanyń qyzmetin jolyn kesti, dep habarlaıdy QazAqparat.

Maınıng fermasynyń jumysy úshin burynǵy kókónis qoımasynyń sharýashylyq bólmesi retinde qaıta jabdyqtalǵan, onda krıptovalıýta óndirýge arnalǵan 273 jabdyq boldy.

Maınıng fermasynyn elektr qýatyn tutynýy - aıyna shamamen 146 Mvt.

Krımınalıst saraptamasynyń qorytyndysyna sáıkes, tabylǵan jabdyq - tsıfrlyq krıptovalıýtany «óndirý» úshin qoldanylatyn shıfrlaý kesheni.

Mamannyń qorytyndysyna sáıkes, alynǵan krıptovalıýta túrindegi aldyn ala zańsyz aqshalaı kiris - 68 331 022 teńge.

Zańdy buza otyryp jumys isteıtin krıptofermalar elektr jelisine júktemeniń kúrt artýyna ákelip soqtyrady jáne turǵyndar úshin elektr qýatynyń jıi apattyq sóndirilýine sebep bolady.

Atalǵan fakt boıynsha QR QK-niń 214-babyna sáıkes (zańsyz kásipkerlik qyzmet) sotqa deıingi tergeý júrip jatyr.

Ózge aqparat tergeý múddesinde jarııa etýge jatpaıdy.