Petropavlda zańsyz bıznesti qamqorlyǵyna alǵan polıtsııa qyzmetkeri sottaldy
Soltústik Qazaqstan oblysy sybaılas jemqorlyqqa qarsy qyzmettiń sálimetinshe, 10 mamyrda Petropavl qalalyq sotynyń úkimimen QR QK 366-baby, 4-tarmaǵynyń 3-bóligi boıynsha oblystyq polıtsııa departamenti jergilikti polıtsııa qyzmeti bóliminiń bastyǵy 7 jylǵa bas bostandyǵynan aıyryldy. Ol jazasyn qylmystyq-atqarý júıesiniń ortasha qaýipsizdik mekemesinde óteıtin bolady.
Sottalǵan eks-polıtseı aktsızdeletin ónimdi sapany rastaıtyn tıisti qujattarsyz satýda qamqorshylyq kórsetkeni úshin jalpy somasy 500 myń teńgeden asatyn para birneshe ret alǵany úshin kináli dep tanyldy.
Osylaısha, QR Sybaılas jemqorlyqqa qarsy is-qımyl agenttiginiń SQO boıynsha departamenti 1 myń blok temeki óniminiń jáne 5 myń lıtr sapasy kúmándi alkogol óniminiń zańsyz satylymyn toqtatty.
Sottalǵan «polıtsııa maıory» arnaýly ataǵynan, sonymen qatar memlekettik qyzmette, jergilikti ózin-ózi basqarý organdarynda, qarjy uıymdarynda jáne kvazımemlekettik sektorda qyzmet atqarý quqyǵynan aıyryldy.
Úkim zańdy kúshine engen joq.
