Petropavlda zańsyz saýdalanǵan ondaǵan jáshik alkogol býldozermen joıyldy
PETROPAVL. KAZINFORM — Petropavlda polıtseıler quramynda spırti 600 lıtr ónimdi joıdy.
Soltústik Qazaqstan oblysy polıtsııa departamenti baspasóz qyzmetiniń málimetinshe, jyl basynan beri oblys ortalyǵynda polıtseıler antıalkogoldik zańnamany buzǵany úshin 25 saýda nysanynyń ıesin jaýapkershilikke tartty. Aınalymnan 1,2 myń lıtrge jýyq quramynda spırti bar ónim tárkilendi. Sonyń jartysy — syra, araq-sharap polıgonǵa shyǵarylyp, joıyldy.
— Zańsyz saýdaǵa shyǵarylǵan qalǵan ónim de barlyq qajetti rásim aıaqtalǵannan keıin osy polıgonǵa jetkiziledi. Búgin sýrrogat ónimder, sondaı-aq túngi ýaqytta nemese 21 jasqa tolmaǵan azamattarǵa satylǵan ishimdikter býldozer tabanynyń astyna tústi, — deıdi Petropavl qalalyq polıtsııa basqarmasy bólimshe bastyǵy Qanat Jumabaev.
Byltyr SQO-da kisi óltirýdiń 20 deregi tirkelse, sonyń 90% astamy mas kúıde jasalǵan, olardyń edáýir bóligi otbasylyq-turmystyq qatynastar aıasynda bolǵan.
Polıtseıler maskúnemdikke salynýdyń aldyn alý úshin keshendi sharalardy qolǵa aleǵan. Onyń ishinde qoǵamdyq oryndarda ishimdik ishý faktileriniń jolyn kesý, maskúnemderdi májbúrlep emdeýge jiberý, sondaı-aq kontrafaktilik ónimdermen kúres bar.
Buǵan deıin SQO-da ár úshinshi quqyqbuzýshylyq mas kúıde jasalatyndyǵyn jazǵan edik.
