Petropavlda volonterler polıtseılerge joǵalyp ketken boıjetkendi tabýǵa kómektesti

PETROPAVL. QazAqparat – Petropavlda habarsyz ketken 18 jastaǵy qyzdy polıtseıler men volonterler aman-esen taýyp, anasyna tapsyrdy, dep habarlaıdy QazAqparat tilshisi.
None
None

SQO Polıtsııa departamenti baspasóz qyzmetiniń málimetinshe, qyzynyń joǵalyp ketkendigi týraly Petropavl qalasynyń turǵyny 24 naýryz kúni aryz bergen. Anasy qyzynyń kúndizgi saǵat 12.00-der shamasynda eshkimdi eskertpeı shyǵyp ketkenin aıtqan. Boıjetkenniń belgilerin, kıgen kıimi týraly polıtseılerge málimet bergen áıel ózderiniń byltyr jazda Tarazdan Petropavlǵa qonys aýdarǵandaryn jetkizipti. Aıtýynsha, qyzy qalany durys bilmeıdi.

Іz-túzsiz ketken qyzdy tabýǵa polıtsııanyń birneshe basqarmasynyń mamandary jumyldyryldy. Olarǵa bul joly da Lider.kz volonterler qozǵalysy kómekke keldi. Atqarylǵan jumystardyń nátıjesinde joǵalǵan boıjetken 26 naýryz kúni saǵat 12.30 shamasynda aman-esen tabyldy. Ol eki kún boıy Petropavldyń ortalyq aýmaǵynda turatyn tanystarynyń úıinde bolypty. Polıtseıler ony Ekinshi qalalyq polıtsııa bólimine jetkizip, anasyna tabys etti.

SQO PD Krımınaldy polıtsııa basqarmasy mamandarynyń málimetinshe, jyl basynan polıtsııaǵa habarsyz ketkender jaıynda 38 aryz túsken. Olardyń barlyǵy tabyldy.


Сейчас читают