Petropavlda voleıboldan áıelder arasynda ulttyq lıga komandalary synǵa túsedi

PETROPAVL. KAZINFORM — Petropavl qalasynda 12 qańtar kúni voleıboldan áıelderdiń ulttyq lıga komandalary arasynda Qazaqstan chempıonaty kezekti týrynyń oıyndary bastalady.

Óskemen qalasynda ótken eki týrdan keıin qos klýb kósh basynda keledi. 

Óskemenniń «Bereli» jeńis sany jóninen alda tursa, ótken jylǵy kýbok pen sýperkýbok ıegeri «Jetisý» (Taldyqorǵan) — ázirge upaıdy (38) eń kóp jınaǵan komanda.

Petropavlda 20 qańtar kúni qos komanda ózara úshinshi ret kezdesip, qaısysynyń myqty ekendigin anyqtaıdy. 

Taǵy bir tartysty báseke 17 qańtarda «Jetisý» men «Qýanysh» (SQO) arasynda bolady.

Soltústikqazaqstandyqtar óz alańynda sátti óner kórsetse, úshinshi orynda kele jatqan «Qaraǵandyny» qýyp jetip, basyp oza alady. 

Búgin «Berel» ótken jylǵy el chempıony «Turan» (Túrkistan) komandasyn synap kóredi.

Óskemendikter óz alańynda tek taı-breıkte ǵana utqan bolatyn. Asqar Shalqybekov jattyqtyratyn túrkistandyqtar alǵashqy týrlarda biraz upaı joǵaltyp aldy. Endi sonyń ornyn toltyrýǵa tyrysatyny anyq.

Sondaı-aq 12 qańtarda «Ertis» — «Arý-Astana», «Gratsııa KZ» — «Almaty», «Jetisý» — «Qaraǵandy», «Qýanysh» — «Aqtóbe» komandalary ózara synǵa túsedi.

Eske sala keteıik, budan buryn voleıboldan Qazaqstan chempıonatynda túrkistandyqtar «Qýanyshty» qapy qaldyrǵanyn jazǵan bolatynbyz.