Petropavlda úzdik Naýryz kóje baıqaýy ótti
PETROPAVL. QazAqparat - Soltústik Qazaqstan oblysynda Naýryz meıramyna arnalǵan merekelik sharalar jalǵasýda, dep habarlaıdy «QazAqparat» HAA tilshisi.
Negizgi sharalar Ortalyq alańda ótip jatyr. Munda etnoaýyl, sándik-qoldanbaly óner buıymdarynyń kórmesi ótýde. Petropavldyq dombyrashylar «Balbyraýyn» jáne «Adaı» kúılerin oryndady. Qalanyń shyǵarmashylyq ujymdary kontserttik baǵdarlama ázirledi.
Naýryz meıramyn toılaý aıasynda meıramhanalar men dámhanalar arasynda úzdik Naýryz kóje baıqaýy ótti. Nátıjesinde «Esil» meıramhanasynyń naýryz kójesi úzdik dep tanyldy.
Keshke Petropavldyń Ortalyq alańynda «Naýryz kóktem» keshki jastar baǵdarlamasy ótedi dep kútilýde.
