Petropavlda úıdiń podezinde boıjetkenge shabýyl jasaǵan er adam ustaldy
PETROPAVL. QazAqparat – Petropavlda eki kún buryn 19 jastaǵy boıjetkenge úı podezinde shabýyl jasaǵan er adam búgin ustaldy, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, 7 sáýir saǵat 18.15 shamasynda Petropavl qalalyq polıtsııa basqarmasynyń qyzmetkerleri Jambyl kóshesindegi úılerdiń biriniń podezinde boıjetkenge shabýyl jasady degen kúdikpen er adamdy ustady. Ol oblys ortalyǵynyń 49 jastaǵy turǵyny bolyp shyqty. Buǵan deıin birneshe ret sottalǵan eken.
«Qazirgi ýaqytta ustalǵan er adam Petropavl qalalyq polıtsııa basqarmasyna jetkizildi. Tergeý amaldary júrgizilip jatyr. Bul is tolyq, jan-jaqty, barlyq jaǵdaılar eskerile otyra obektıvti tergeledi, nátıjesi boıynsha protsessýaldyq sheshim qabyldanady», - delingen habarlamada.
Esterińizge salaıyq, 5 aqpan kúni saǵat 20.00 shamasynda Petropavldaǵy kóp qabatty úılerdiń biriniń podezinde 19 jastaǵy boıjetkenge belgisiz er adam shabýyl jasaǵan edi. Ol qyzdyń tamaǵyna pyshaq taqap, zorlamaq bolǵan. Aıǵaıdy estigen kórshi boıjetkendi qutqardy, al er adam qashyp ketken edi.
