Petropavlda úı-jaıy joq azamattar tegin ystyq tamaqpen qamtylyp jatyr
Petropavl qalasyndaǵy ІІB úı-kúıi jáne qujaty joq azamattardy qabyldap-taratý bólimine táýligine 20-30 adam jetkiziledi. Bul jerde olardyń qujattary, qylmystarǵa qatysy bar-joǵy tekseriledi.
«Jyl basynan beri bizge 1340 adam jetkizildi. Qazir kún saıyn 15-25 adam ózderi keledi. Olarǵa túrli qaıyrymdylyq qorlary, shirkeý ókilderi men eriktiler ystyq tamaq ákeledi, kıim-keshek beredi», - deıdi qabyldap-taratý orny bastyǵynyń mindetin atqarýshy Pavel ıÝşenko.
Turaqty mekenjaıy joq jandarǵa arnalǵan taǵy bir áleýmettik oryn Petropavlda burynǵy eski mekteptiń ǵımaratynda 2015 jyly ashyldy. Tek qystygúni jumys isteıtin panahana 60 orynǵa shaqtalǵan.
«Búgin ystyq tamaqtan bólek jyly kıimder, jamylǵyshtar, qolǵap, shulyq, aıaq kıim ákeldik. Іsherge tamaǵy, kıerge kıimi joq jandarǵa bul az da bolsa kómek. Mundaı adamdardy qamqorlyǵymyzǵa alǵanymyzǵa birneshe jyl boldy. Budan basqa gýmanıtarlyq kómekti jalǵyzbasty zeınetkerlerge jáne basqa da kómekke muqtaj jandarǵa kórsetemiz», - deıdi «Qazaqstannyń Qyzyl aı qoǵamy» oblystyq fılıalynyń dırektory Sáýle Orazova.
Petropavlda úı-kúıi joq 200-den astam adam resmı tirkelgen. Saqyldaǵan sary aıaz, ásirese osyndaı kezbeler úshin qaýipti. Jyl basynan beri №3 qalalyq aýrýhananyń jaraqat zardabyn emdeý bólimine úsik shalǵan 30-dan astam adam tússe, sonyń basym bóligi - turaqty mekenjaıy joq jandar.
