Petropavlda ustalǵan separatıstik uıymnyń 3 múshesi 2 aıǵa qamaýǵa alyndy

PETROPAVL. QazAqparat – Soltústik Qazaqstan oblysynda separatızmdi nasıhattady degen kúdikpen ustalǵan úsh adam eki aıǵa qamaýǵa alyndy, dep habarlaıdy QazAqparat Soltústik Qazaqstan oblystyq prokýratýrasynyń baspasóz qyzmetine silteme jasap.

Soltústik Qazaqstan oblysynyń prokýratýrasy 2023 jylǵy 18 sáýirde Qylmystyq Kodekstiń 179-baby 2-bóligi boıynsha ( qaýipsizdikti ydyratýǵa úgitteý) jáne 180-baby 2-bóligi boıynsha (Qazaqstan Respýblıkasynyń birtutastyǵy men tutastyǵyn ydyratýdy nasıhattaý nemese oǵan jarııa túrde buqaralyq aqparat quraldaryn jáne telebaılanys jelilerin shaqyrýmen materıaldardy taratý) qarastyrylǵan qylmystyq quqyq buzýshylyq jasaǵandyqtary úshin Ulttyq qaýipsizdik Komıtetiniń Soltústik Qazaqstan oblysy boıynsha departamentiniń ókilderi «Halyq keńesiniń» úsh múshesi ustalǵandyǵyn habarlaǵan.

2023 jylǵy 20 sáýirde Petropavl qalasynyń mamandandyrylǵan tergeý sotymen barlyq úsh fıgýrantqa qatysty merzimi 2 aıǵa «qamaýda ustaý túrinde» bultartpaý sharasy sanktsııalandy.

Osyǵan deıin Petropavlda separatıstik uıymnyń 3 belsendisi qamaýǵa alynǵany habarlandy.