Petropavlda úshem dúnıege keldi
PETROPAVL. QazAqparat – Petropavlda 32 jastaǵy kelinshek úsh qyzdy dúnıege ákeldi, dep habarlaıdy QazAqparat tilshisi.
Soltústik Qazaqstan oblysy Perınataldyq ortalyǵy baspasóz qyzmetiniń málimetinshe, Petropavl qalasynyń turǵyny 32 jastaǵy kelinshek úsh sábıdi 2 naýryz kúni dúnıege ákelgen. Birinshi shaqalaq saǵat 14.47 mınýtta, qalǵan ekeýi araǵa bir mınýttan salyp ómirge kelgen. Merziminen erte kelgen sábılerdiń salmaǵy – 1 kg 871 gramm, 1 kg 408 gramm jáne 1 kg 555 gramm. Qazir olar qarqyndy terapııa bólimshesinde jatyr.
Úshemdi dúnıege ákelgen kelinshektiń ulty – orys. Mamandardyń aıtýynsha, kúıeýimen azamattyq nekede turady. Tuńǵysh qyzy 2 jasta ǵana.
SQO-da sońǵy ret úshem 2015 jyly týǵan eken. Sol jyly birden úsh úshem ómirge kelipti.
