Petropavlda úsh jol-kólik oqıǵasyn jasaǵan er adamǵa sot 1 mln teńge aıyppul saldy

PETROPAVL. KAZINFORM – Jolda júrý erejesin birneshe ret óreskel buzǵan er adamnyń júrgizýshi kýáligi joq.

Іsti Petropavl qalasynyń ákimshilik quqyq buzýshylyqtar jónindegi mamandandyrylǵan soty qarady.

Oqıǵa bıyl 30 tamyzda bolǵan. Júrgizýshi k. kýáligi bolmaǵanyna qaramastan, «Nissan Maxima» markaly avtokóligin basqaryp, úsh jol-kólik oqıǵasyn jasaǵan. Saldarynan basqa birneshe kóliktke zaqym keltirip, eki ret oqıǵa ornynan qashyp ketken.

Sot K.-ny QR Ákimshilik quqyq buzýshylyq týraly kodeksiniń 610-babynyń 3-bóligi jáne 611-babynyń 3-bóligi boıynsha, ıaǵnı kólik júrgizýshisiniń bireýdiń múlkin búldirýi jáne júrgizýshi kýáligi joq adamnyń kólikti basqarýy derekteri boıynsha kináli dep tanyp, oǵan 260 AEK - 1 022 320 teńge mólsherinde aıyppul saldy.

Sot qaýlysy jarııalanǵan sátten bastap zańdy kúshine endi.

Buǵan deıin Almatyda jedel járdem kóligi jasóspirimdi qaǵyp ketkenin jazǵan edik.