Petropavlda úsh jasóspirim muz qalashyqty qıratqan
PETROPAVL. QazAqparat – Petropavlda tártip saqshylary muz qalashyǵyn buzǵan úsh jasóspirimdi ustady, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, 29 qańtar kúni keshke oblys ortalyǵynyń 12 men 14 jastaǵy kámeletke tolmaǵan úsh turǵyny Qazaqstan Konstıtýtsııasy kóshesinde ornalasqan muz qalashyǵyndaǵy muzdan jasalǵan birneshe músindi syndyrǵan.
Polıtsııa qyzmetkerleri beınekamera kómegimen buzaqy balalardy anyqtap, Petropavl qalalyq polıtsııa bólimine jetkizdi.
«Kámeletke tolmaǵandar jasaǵan buzaqylyq» baby boıynsha ákimshilik materıal jınaldy, osy bappen ata-anasyna 7 AEK mólsherinde aıyppul salynýy múmkin. Quqyq buzýshylyq boıynsha materıal Petropavl qalalyq ákimdigi janyndaǵy kámeletke tolmaǵandardyń isteri jáne olardyń quqyqtaryn qorǵaý jónindegi komıssııa otyrysynyń qaraýyna jiberilmek.
