Petropavlda úsh mekteptiń segiz synyby JRVI men tumaýǵa qatysty qashyqtan oqýǵa jiberildi

PETROPAVL. KAZINFORM – Petropavlda mektep oqýshylary arasynda jiti respıratorlyq vırýstyq ınfektsııamen aýyrǵandar sany artty.

Osyǵan oraı birqatar bilim berý uıymynda jekelegen synyptar ýaqytsha qashyqtan oqytý júıesine kóshirildi.

Soltústik Qazaqstan oblystyq bilim basqarmasy baspasóz qyzmetiniń málimetinshe, olardyń ishinde M. Jumabaev atyndaǵy IT-mektep-lıtseıi bar. Bul oqý ornynda 3 synyp onlaın formatqa aýystyryldy. Máselen, 1 «Á» synybyndaǵa 23 oqýshynyń 9-y aýyrǵan, 1 «B» synybyndaǵy 24 oqýshynyń 18-i jáne 8 «B» synybyndaǵy 24 oqýshynyń 10-y aýyryp jatyr. Bul mektepte qashyqtan oqytý 18 qarasha bastalyp, 25 qarashaǵa deıin sozylmaq. 

Petropavldaǵy №4 orta mektepte de 3 synyp 19-26 qarasha aralyǵynda qashyqtan bilim alady. Munda mektepaldy daıarlyq tobyndaǵy 14 oqýshynyń 10-y, 7 «A» synybyndaǵy 24 oqýshynyń 15-i jáne 1 «Á» synybyndaǵy 8 oqýshynyń 6-y aýyrǵan. 

Qashyqtan oqýǵa Petropavldaǵy Birinshi gımnazııanyń 2 synyby da ketti. Mundaǵy 5 «V» synybyndaǵy 23 oqýshynyń 14-i jáne 9 «A» synybyndaǵy 24 oqýshynyń 10-y aýyryp jatyr. Ázirge bul bilim ordasynda onlaın oqytý 21 qarashaǵa deıin bekitildi. 

Qashyqtan oqytý formatyna Pavlodar óńiri boıynsha 150 synyptyń oqýshylary kóshirilgen.

Sondaı-aq mınıstr Álnazarova bastaýysh synyptar qandaı jaǵdaıda qashyqtan oqýǵa kóshetinin aıtty.

Buǵan deıin SQO-da «gonkong tumaýyn» juqtyrǵandar sany kóbeıip bara jatqanyn jazǵan edik.