Petropavlda úsh kún buryn joǵalyp ketken áıeldiń denesi tabyldy
PETROPAVL. QazAqparat - Petropavlda úsh kún buryn joǵalyp ketken jas kelinshektiń denesi tabyldy, dep habarlaıdy QazAqparat tilshisi.
6 sáýirde joǵalyp ketken 32 jastaǵy qala turǵynynyń sýreti barlyq áleýmettik jelilerde jarııalandy. Kelinshek úıinen shyǵyp, iz-túzsiz joǵalyp ketken.
«9 sáýirde Petropavlda jedel-izdestirý is-sharalaryn júrgizý barysynda jedel ýákilder qaladaǵy páterlerdiń birinen áıeldiń denesin tapty. Bul fakti «Adam óltirý» baby boıynsha Sotqa deıingi tergeýdiń biryńǵaı tirkelimine engizildi. Asa aýyr qylmys jasady degen kúdikpen buryn sottalǵan 31 jastaǵy Petropavl turǵyny ustaldy», - dep túsindirdi oblystyq polıtsııa departamentiniń baspasóz qyzmeti.
Birqatar qajetti saraptamalar taǵaıyndaldy.
Avtor: Olesıa Jýkoven
