Petropavlda úsh kólik órtenip ketti
PETROPAVL. QazAqparat – Petropavlda bir kólik órtenip, artynan taǵy ekeýi jana bastaǵan, dep habarlaıdy «QazAqparat» HAA tilshisi.
Soltústik Qazaqstan oblysy TJD baspasóz qyzmetiniń málimetinshe, órt jeke úıdiń janynda turǵan Mercedes-Benz kóliginen shyqqan. Órt sóndirýshiler habar túskennen keıin 10 mınýtta jetken, alaıda ol ýaqytta úsh kólik órtke oranyp úlgergen. Jalyn Mercedes-Benz-tiń janynda turǵan Toyota jáne Mazda markaly kólikterine qaraı aýysqan.
«Tilsiz jaý Mercedes-Benz ben Mazda kólikterin joıyp jiberdi. Toyota-ǵa zaqym kelip, salony men kóliktiń oń jaq bóligi órtenip ketti. Zardap shekkender joq. Órtke elektr quraldarymen jumys isteý kezinde órt qaýipsizdigin saqtamaýy sebep bolýy múmkin», - dedi baspasóz qyzmetinde.
Órt sóndirýshiler kólikterdiń tehnıkalyq jaǵdaıyn, ásirese elektr jabdyqtaryn únemi tekserip otyrý qajet ekenin eskertti. Avtokólikterdiń janýyna kóbine elektr symynyń tuıyqtalýy sebep bolady. Órt shyqqan jaǵdaıda 101 nemese 112 nómirlerine habarlasyp, ony sóndirý sharalaryn qabyldaý kerek.
Avtokólik túgeldeı 5-8 mınýtta órtenip ketedi.
Avtory: Olesıa Jýkoven
