Petropavlda ury dúken ishinde qylmys ústinde ustaldy
PETROPAVL. QazAqparat - Jol polıtsııasy tún mezgilinde Petropavl dúkenderiniń birinen urlyq jasady degen kúdiktini ustady, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
Qyzyljar aýdanynyń 22 jastaǵy turǵyny óz jumys berýshisinen onyń dúkenin tonaý arqyly óshin almaq bolǵan. Alaıda, kekshil jigittiń áreketi beınekameraǵa ilinip, qylmysker týra urlyq ústinde qolǵa tústi.
«Dúkenge tereza arqyly kirgen. Buryn ot jaǵýshy bolyp jumys istegen jigit baqylaý kameralarynyń qaı jerde turǵanyn óte jaqsy bilgen. Biraq ol kameralardyń bireýinen báribir baıqalyp qalady. Kúzetshi dúkenge uryp túsip jatqanyn polıtsııaǵa habarlady»,- dep jazady baspasóz qyzmeti.
4 mınýttyń ishinde kelgen tártip saqshylary dúkendi qorshap alady. Іshtegi ury esikti tars bekitip alǵandyqtan, polıtseılerge esikti buzýǵa týra kelgen.
«Qolǵa túsken kúdikti dúken kassasynan 107 myń teńge aqsha jáne uıaly baılanys kartalaryn alyp jatqanda ustaldy. 188 baptyń 2 bóligi boıynsha qylmystyq is qozǵaldy», - dedi Petropavl qalasy ІІB basshysy Jandos Muqatov.
