Petropavlda ulttyq oıyndar festıvali márege jetti
PETROPAVL. QazAqparat - Petropavlda ulttyq oıyndar festıvali ótti. 200-den astam mektep oqýshysy asyq atý, toǵyzqumalaq, bestas oıyndarynan baq synady, dep habarlaıdy QazAqparat tilshisi.
Qazaqtyń ulttyq oıyndaryn jańǵyrtýdy maqsat etken festıval - dástúrli. Uıymdastyrýshylardyń aıtýynsha, qatysýshylar sany artyp keledi. Bıyl tek toǵyzqumalaq oınaýǵa 50 mektep oqýshysy tilek bildirgen. Onyń 30-y er balalar bolsa, qalǵany - qyzdar.
«Dástúrli festıval oqýshylar arasynda tanymal. Ulttyq oıyndarǵa qazir suranys bar dep aıtýǵa bolady. Osy joly asyq atýǵa 20 er bala qatysyp jatyr. Sonsha qyz bala bestas oınaýdan jarysady», - dedi jarys tóreshisi Aqjan Suraǵanov.
Qazaqtyń ulttyq oıyndarynyń ereksheligi - jas talǵamaıdy, jas ta, kári de oınaı beredi. Atap ótilgendeı, sońǵy kezde elimizde Ulttyq sport oıyndary federatsııasynyń bastamasymen kóptegen jarystar ótkizilip keledi. Araılym Qurmetbek bestas oıynynan respýblıka chempıony.
«Búgingi qarsylastarym osal emes. Jalpy jarysqa kúndelikti ázirlenemin. Jazda kezekti respýblıkalyq týrnırge daıyndyqqa ketemin. Búgin birinshi oryn alýǵa tyrysyp baǵamyn», - deıdi Araılym Qurmetbek.
Jarys jeńimpazdary óńir namysyn respýblıkalyq týrnırde qorǵaıtyn bolady.
