Petropavlda úlken tennısten respýblıkalyq týrnır ótip jatyr
PETROPAVL. QazAqparat - Petropavlda 10 jasqa deıingi qyzdar arasynda úlken tennısten «Petropavl Masters» respýblıkalyq týrnıri ótip jatyr, dep habarlaıdy QazAqparat tilshisi.
«Petropavl Masters» respýblıkalyq týrnırine elimizdiń 6 óńirinen: Atyraý, Pavlodar, Qaraǵandy, Aqmola oblystary men Almaty, Nur-Sultan qalalarynan 17 jas sportshy qatysyp jatyr. Bul jarystyń eresekterge qaraǵanda basty erekshelegi - qyzdar bir sette 4 geım oınaıdy.
«Týrnırdi uıymdastyrýdaǵy basty maqsat - salamatty ómir saltyn nasıhattaý. Jalpy, elimizde úlken tennıs jaqsy damyp keledi. Jyl saıyn túrli deńgeıdegi jarystar uıymdastyrylady. Qyzdar osy týrnır barysynda kóp tájirıbe jınaıdy degen oıdamyn. Jetildirilgen olımpıadalyq júıemen baǵalaımyz, ıaǵnı, barlyq oryndar sarapqa salynady», - deıdi jarystyń bas tóreshisi Jasulan Ábildábek. 
«Petropavl Masters» respýblıkalyq týrnıri 4 kúnge shaqtalǵan. Maýsymnyń 21-i jeńimpazdarǵa júldeler tabystalady.
