Petropavlda úlestik qurylysqa qatysqan 5 adam prokýratýraǵa shaǵymdandy
Petropavlda kóp qabatty 24 turǵyn úı kommertsııalyq negizde salynyp jatyr. Solardyń keıbiri qurylysty júrgizý úshin jeke tulǵalardyń qarajatyn tartqan. Alaıda keıin isti aıaǵyna deıin jetkizbeı, jumysty toqtatqan.
Úlestik qurylysqa qatysqan 5 adam prokýratýraǵa shaǵymdandy. Zardap shekkenderdiń barlyǵy – Petropavl turǵyndary.
Prokýratýra ókilderiniń málimetinshe, azamattardyń quqyǵy buzylǵandyǵy týraly aqparat túsisimen tıisti jumystar qolǵa alyndy.
«Zańǵa sáıkes úlestik qurylystyń barysyn jergilikti atqarýshy organ baqylaıdy. Biraq, jergilikti ákimdikte úlestik qurylys boıynsha birde-bir kelisim tirkelmegen. Osyǵan oraı prokýrorlyq yqpal etý sharalary qolǵa alyndy. Qazirgi ýaqytta ýákiletti organdar istiń mán-jaıyn anyqtap jatyr. Onyń qorytyndysy boıynsha zańdy baǵasy beriledi. Úlestik qurylys talaptaryn buzǵandarǵa ákimshilik jaýapkershilik qarastyrylǵan», - deıdi Petropavl qalalyq prokýratýrasy qoǵamdyq múddelerdi qorǵaý bóliminiń bastyǵy Azamat Qalıev.
Bul jaıynda bir aı buryn anyqtalǵan. Qazirgi ýaqytta naqty qaı qurylys kompanııasynyń zań buzýshylyqqa barǵany naqtylanyp jatyr. Ázirge keltirilgen shyǵyn kólemi de belgisiz. Oblystyń qurylys basqarmasy men Memlekettik sáýlet-qurylys baqylaý jáne lıtsenzııalaý basqarmasy barlyq salynyp jatqan 24 kommertsııalyq úıdi tekseretin bolady. Mamandar monıtorıng júrgizý arqyly qurylys uıymdary men turǵyndar arasynda qandaı shartpen kelisim jasalǵanyn, jeke tulǵalardyń qansha qarajaty tartylǵanyn anyqtamaq.
