Petropavlda turǵyn úıdiń tóbesi opyrylyp tústi
PETROPAVL. QazAqparat - Petropavlda jarty ǵasyrdan beri turǵan turǵyn úıdiń tóbesiniń bir bóligi opyrylyp tústi, dep habarlaıdyQazAqparat tilshisi.
Trýd kóshesindegi 57-úı 1966 jyly salynǵan. Turǵyndardyń ótinishimen 2019 jylǵy tekseris josparyna engizilgen. Alaıda eski úı tekseriske jete almaı, 2-qabattaǵy №7 páterdiń tóbesi opyrylyp tústi.
Qala bıliginiń málimdeýinshe, úıde PIK bolmaǵan, soǵan baılanysty úıdiń qańqasyna aıtýly jóndeý jumystary da júrgizilmegen.
«Stadııa» JShS mamandandyrylǵan uıymy nysanǵa keshendi tehnıkalyq tekseris júrgizedi. Eger úı apattyq jaǵdaıda dep moıyndalsa, turǵyndary memlekettik turǵyn úı qorynyń úı kezegine tura alady», - dep málimdedi ákimdiktiń baspasóz qyzmeti.
Mır tuıyq kóshesindegi 10-úıdiń de ahýaly nashar. 8 páteri bar úı 2014 jyly apattyq jaǵdaıda dep tanylǵan. Ol tipti joǵaryda atalǵan úıden on jyl buryn salynǵan. Qazir onda 26 adam turady. Qala bıliginiń málimdeýinshe, turǵyndar memlekettik turǵyn úı qorynyń baspana kezeginde tur.
Sáýir aıynda Soltústik Qazaqstan oblysynyń ákimi Qumar Aqsaqalov Petropavlda 17 úıdiń apattyq jaǵdaıda ekenin aıtqan bolatyn. Bıyl sonyń tórteýi súriledi. Qalǵan 13 úı jospar boıynsha aldaǵy eki jyldyń ishinde súrilýi tıis.
Eske sala keteıik, byltyr Petropavlda úsh úı súrilgen bolatyn. Sonyń ekeýi ózdiginen opyrylǵan. Abyroı bolǵanda, eshkim zardap shekpegen.
Avtor: Olesıa Jýkoven
