Petropavlda turǵyn úıdiń qabyrǵasy úgitilip tústi
PETROPAVL. QazAqparat - Túnde Petropavlovdyń Oral kóshesi, 3-úı mekenjaıynda ornalasqan eki qabatty turǵyn úıdiń qabyrǵasy úgitildi, dep habarlaıdy QazAqparat tilshisi.
Turǵyndardyń aıtýynsha, 50-jyldary salynǵan úı 2014 jyly apattyq jaǵdaıda dep jarııalanǵan. 8 páterge shaqtalǵan úıde 5 otbasy turyp kelgen. Túnde zeınetker ájeı turatyn ekinshi kireberistegi úıdiń qabyrǵasy úgitilip túsken.
«Túngi bir jarymda sumdyq gúrsildi estip, shoshyp kettim. Bizdiń kireberistiń qabyrǵasy opyrylyp tústi-aý dep oıladym. Qujattarymdy jınap kereýetke otyra kettim. Túnimen uıyqtamaı shyqtyq. Bárimizdiń qolymyzda úıdiń apattyq jaǵdaıda ekendigin rastaıtyn aktiler bar», - deıdi úıdiń turǵyny Natalıa Emelıanova.
Ony sózine qaraǵanda, úıde PIK bolmaǵan. Úıdi qabyrǵalaryn aqtap, jarylǵan jerlerin sybap,turǵyndardyń ózderi kútip otyrǵan. N.Emelıanova 2015 jyldyń basynda kezekke turǵanyn aıtady. Onyń sózine qaraǵanda, kezek jyljymaıtyn kórinedi.
Sáýir aıynda osy úıge qarama-qarsy ornalasqan úıdiń qabyrǵasy qulaǵan bolatyn, ol kezde turǵyndar birneshe kúnniń ishinde basqa úıge kóshirilgen.
