Petropavlda turǵyn úıden shyqqan órttiń saldarynan zeınetker qaza tapty
ASTANA. Qazannyń 6-sy. QazAqparat - Búgin túnde Petropavl qalasyndaǵy 5 qabatty turǵyn úıde iri órt oryn alyp, zeınetker qaza tapty, dep habarlady QR TJM baspasóz qyzmetinen.
Vedomstvonyń naqtylaı túsýinshe, qaıǵyly oqıǵa qazannyń 5-nen 6-syna qaraǵan túni saǵat 03:39-da oryn alǵan. Tilsiz jaýdy aýyzdyqtaýǵa 40 mınýt jetkilikti bolǵanymen, 82 jastaǵy keıýananyń ómirin saqtap qalýǵa bul ýaqyt jetkiliksiz boldy. «Tótenshe jaǵdaıdyń aldyn alý barysynda 25 adam, onyń ishinde 3 bala qaýipsiz jerge kóshirildi. Tilsiz jaý 18 sharshy metr aýmaqty qamtyǵan. Órt oshaǵynan 82 jastaǵy áıeldiń denesi tabyldy», delingen baspasóz qyzmetiniń aqparatynda.
Órtti aýyzdyqtaýǵa QR TJM Soltústik Qazaqstan oblystyq tótenshe jaǵdaılar departamenti órt sóndirý qyzmetiniń jeke quramyndaǵy 6 maman men 1 tehnıka jumyldyryldy.
