Petropavlda turǵyn úı órtenip, bir adam qaza tapty
PETROPAVL. QazAqparat – Petropavlda búgin tańerteń turǵyn úı otqa orandy. Órt sóndirýshiler oqıǵa ornynan úı ıesiniń jansyz denesin tapty, dep habarlaıdy QazAqparat tilshisi.
SQO Tótenshe jaǵdaılar departamenti baspasóz qyzmetiniń málimetinshe, oqys oqıǵa búgin tańǵy 9-darda bolǵan. Órt sóndirýshilerge «Petropavl qalasyndaǵy Fevralskıı kóshesindegi 10-ynshy úı janyp jatyr» degen habar túsedi. Mamandar jetkenshe bir qabatty úı tútinge oranyp, ishki qabyrǵalary men tóbesi jana bastaǵan. Jalyndy aýyzdyqtaý barysynda órt sóndirýshiler 1957 jyly týǵan úı ıesiniń denesin tapty.
Órttiń saldarynan úıge kireberis - 25 sharshy metr aýmaq tolyq janyp ketti. Ázirshe jalynnyń neden shyqqany, kelgen shyǵyn mólsheri belgisiz.
Mamandardyń málimetinshe, jyl basynan SQO-da órtten 24 adam qaza tapsa, sonyń bireýi – bala. 14 adam túrli dene jaraqatyn alǵan. Sondaı-aq 34 turǵyn qutqaryldy.
