Petropavlda turǵyn úı órtendi
PETROPAVL. QazAqparat - Petropavlda eki qabatty turǵyn úı órtenip ketti, dep habarlaıdy «QazAqparat» HAA tilshisi.
Órt tańerteń bolǵan. Kýágerlerdiń aıtýynsha, kıimderin kımesten dalaǵa qashyp shyqqan. Kópshiligi aqsha men qujattaryn alyp úlgermegen. Úı eski, qurǵaq bolǵandyqtan, sharpyǵan ot jyldam taraǵan.
SQO TJD derekterine sáıkes, ortalyq órt qyzmeti pýnktine 6 páterlik eki qabatty úıdegi órt týraly aqparat 8 saǵat 38 mınýtta túsken. 4 mınýttan soń oqıǵa ornyna órt sóndirýshiler jetken.
«Órtti sóndirýge 10 tehnıka men SQO TJ departamenti «Órt sóndirý jáne apatty qutqarý jumystary» MM jeke quramynan, «Ońtústik Oral temir joly» AQ áskerılendirilgen órt sóndirý komandasynan jáne «SQO apatty medıtsına ortalyǵy» FMM-nan 44 adam jumyldyryldy. Órt sóndirý 3 aýmaqta óte aýyr jaǵdaıda júrgizildi - ǵımarattaǵy gaz ballondarynyń jarylý qaýpi ber edi», - dep habarlady baspasóz qyzmeti.
Órt saldarynan úıdiń shatyry qırap, páterler men múlikterge zaqym keldi. Órttiń jalpy aýdany 180 sharshy metrdi qurady. Úıden 6 adam evakýatsııalanyp, 9 gaz ballony shyǵaryldy. Zardap shekkender men qurban bolǵandar joq. Órttiń shyǵý sebepteri men shyǵyndar anyqtalýda.
