Petropavlda turǵynnyń salonnan satyp alǵan kóligi jańa bolmaı shyqty
PETROPAVL. KAZINFORM – Sot tutynýshynyń talabyn qanaǵattandyrdy.
Soltústik Qazaqstan oblystyq sotynyń málimetinshe, jańa avtokólik satyp alǵan Petropavl turǵynynyń qýanyshy uzaqqa barmady. Kólikti teksere kele, onyń aldyńǵy kýzovynyń bir bólsheginiń túsi ózgeshe ekenin baıqaǵan. Qala turǵyny saraptama jasatyp, kúdigi rastaldy — kólik oǵan satylmas buryn, oń jaq «qanaty» qaıta boıalǵan bolyp shyqty.
Tutynýshy quqyǵyn qorǵaý úshin sotqa júgindi. Birinshi satydaǵy sot onyń talabyn qarap, avtosalonnyń tutynýshyny aldyn ala habardar etpeı, sapasyz taýar satqanyn anyqtady.
Sonyń negizinde kólik bólshegin aýystyrý jáne moraldyq zııan úshin ótemaqy tóleý týraly kólik ıesiniń talaptaryn qanaǵattandyrdy.
Alaıda avtosalon ókilderi bul sheshimmen kelispeı, apellıatsııalyq shaǵym túsirdi. Degenmen, oblystyq sot istiń barlyq mán-jaıyn qaıta zerdelep, bastapqy sheshimdi ózgerissiz qaldyrdy.
Sot aktileri zańdy kúshine endi.
Esterińizde bolsa, buǵan deıin Qazaqstanda eń kóp satylǵan avtokólik túrleri týraly jazǵan edik.