Petropavlda turǵyndarǵa qoldanylǵan shyrshalardan ońaı qutylý joly usynyldy
PETROPAVL. KAZINFORM — Petropavlda turǵyndar jańa jyl merekesinde qurǵan shyrshalaryn ótkizip, janýarlarǵa kómektese alady.
Petropavl qalalyq ákimdigi respýblıkalyq «Taza Qazaqstan» baǵdarlamasy aıasynda ekologııalyq aktsııa ótkizip jatyr. Maqsat — qoqys konteınerleriniń mańyna aǵashtardyń jınalyp qalýyna jol bermeý jáne shyrshalardy janýarlarǵa azyq retinde qoldanyp, ekinshi ret kádege jaratý.
Qylqan japyraqty aǵashtardyń butaqtary men ıneleri ári azyq, ári tósenish retinde paıdalanylmaq. Dińderi otyn retinde qoldanylady.
Osyǵan oraı qala bıligi turǵyndardan 20 qańtar kúni paıdalanylǵan shyrshalardy konteıner janyna shyǵaryp, úıip qoıýdy surap otyr. Al keıin jınalǵan aǵashtardy kommýnaldyq qyzmetter «Qyzyljar orman sharýashylyǵy» mekemesi men Teplovskoe ormanshylyǵyna jetkizedi.
— Sonymen qatar qala turǵyndary shyrshalaryn osy sharýashylyqtarǵa ózderi de aparyp tapsyra alady. Belgilengen merzimdi qatań saqtaýdy suraımyz. Al 20 qańtardan keıin shyrshalardy konteıner janyna tastaǵan azamattarǵa abattandyrý qaǵıdalaryn buzǵany úshin ákimshilik sharalar qoldanylatyn bolady, — deıdi uıymdastyrýshylar.
Buǵan deıin Almaty zoobaǵy paıdalanylǵan shyrshalardy qabyldaı bastaǵanyn jazǵan edik.