Petropavlda turǵyn úıden órt shyǵyp, 100-den asa adam evakýatsııalandy

ASTANA. KAZINFORM — Petropavl qalasynda 2‑shi Pervomaı kóshesinde bes qabatty turǵyn úıde órt shyqty. Órt úshinshi qabattaǵy páterde bastaldy, dep habarlaıdy TJM baspasóz qyzmeti.

Oqıǵa ornyna TJM bólimsheleri jedel jetti. Qutqarý jumystary barysynda tútindi kireberisten qutqarý qalpaqtaryn paıdalana otyryp baspaldaq arqyly 27 adam, onyń ishinde 15 bala qutqaryldy.

Sonymen qatar, úıden 76 adam evakýatsııalandy, olardyń ishinde 23 bala bar. 

— Qutqarýshylardyń jedel ári úılesimdi áreketteriniń arqasynda órt sóndirildi. Zardap shekkender joq, — delingen habarlamada.

TJM azamattarǵa órt qaýipsizdigi erejelerin saqtaýdyń mańyzdy ekenin eske salady.

Osyǵan deıin Astanada kólikke tehnıkalyq qyzmet kórsetý ortalyǵynda órt shyqqanyn jazǵan edik.