Petropavlda túngi klýbtyń aldynda eki qyzdy mashına qaǵyp ketti
PETROPAVL. QazAqparat - Petropavlda avtomobıl eki boıjetkendi qaǵyp ketti, dep habarlaıdy QazAqparat tilshisi.
Soltústik Qazaqstan oblystyq ishki ister departamenti baspasóz qyzmeti túngi klýbtardyń biriniń mańynda bolǵan jol apaty oqıǵasyn rastady. Keleńsiz jaǵdaı tańǵy saǵat 4:30-da bolǵan.
«Leksýs» avtokóliginiń júrgizýshisi eki qyzdy qaqqan jol apaty faktisi boıynsha QR QK «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» qylmystyq baby boıynsha sotqa deıingi tergeý bastaldy. Sot saraptamasy taǵaıyndaldy. Tergeý júrip jatyr», - dep túsindirdi baspasóz qyzmetinen.
Zardap shegýshiler túrli jaraqattarmen aýrýhanaǵa jetkizildi. Densaýlyq saqtaý basqarmasy baspasóz qyzmetiniń aqparatyna qaraǵanda, ekeýi de aýyr halde. Boıjetkenderdiń biriniń jabyq bas súıek-mıy zaqymdalǵan.
