Petropavlda túngi klýbta atysqa qatysqan ekinshi jigit Astanada ustaldy
ASTANA. QazAqparat - 29 shildede Petropavldaǵy túngi klýb aldynda atysyp, keıin qashyp ketkenderdiń birin polıtsııa qyzmetkerleri Astanadan ustady, dep habarlaıdy «QazAqparat» HAA tilshisi.
«10 tamyzda Soltústik Qazaqstan oblystyq ІІD-niń Uıymdasqan qylmysqa qarsy kúres basqarmasynyń qyzmetkerleri atys qarýyn qoldanyp buzaqylyq jasady degen kúdikpen izdelgen T.Z. Bektasty Astana qalasynda ustap, ýaqytsha ustaý ızolıatoryna qamady. Jedel-tergeý toby tergeý amaldary men keshendi jedel-izdestirý is-sharalaryn júrgizip jatyr. Birqatar qajetti saraptamalar taǵaıyndaldy. Tergeý barysynda janjaldyń sebebi men onyń árbir qatysýshysynyń janjalǵa qatysy bary anyqtalatyn bolady», - dep habarlaıdy oblystyq ІІD.
Qylmystyq isti tergeý barysyn ІІD, oblys pen qala prokýratýrasy baqylaýyna alǵan.
Eske sala ketsek, 29 shilde kúni túnde Petropavl qalasyndaǵy «Park Sıtı» túngi klýbynyń aldynda qarý qoldanylǵan tóbeles tirkelgeni habarlanǵan bolatyn. Atalǵan oqıǵa boıynsha QR QK-niń 293-babymen is qozǵalǵan. Oqıǵaǵa qatysty eki jigitke izdeý jarııalanyp, olardyń bireýi (Qyzyljar aýdanynyń 20 jastaǵy turǵyny) oblysqa qarasty aýdandardyń birinen tabylǵan edi.
