Petropavlda tórt jeńil kólik soqtyǵysyp qaldy
PETROPAVL. QazAqparat – Petropavl kóshesinde tórt jeńil kólik soqtyǵysyp qaldy, dep habarlaıdy QazAqparat tilshisi.
Áleýmettik jelidetórt kólik soqtyǵysqan jol-kólik oqıǵasynyń beınejazbasy tarady.
Kýágerlerdiń aıtýynsha, oqıǵa búgin Petropavldaǵy Jambyl-Partızan kósheleriniń qıylysynda, «Kóktóbe» saýda úıiniń qasynda bolǵan.
Petropavl qalalyq polıtsııa basqarmasynyń málimetinshe, búgin saǵat 12.53 mınýtta «102» nómirine Jambyl-Partızan kóshesiniń qıylysynda 4 kóliktiń: «Toyota Camry», «Mazda», «Chevrolet Cruze» jáne «JAC S5» soqtyǵysyp qalǵandyǵy jaıynda aqparat túsken. Jol-kólik oqıǵasynda eshkim zardap shekken joq, júrgizýshiler spırttik ishimdik ishpegen.
Osy derekke baılanysty «Toyota Camry» avtokóliginiń júrgizýshisine «Kólik quraldary júrgizýshileriniń jol júrisi qaǵıdalaryn buzýynan kólik quraldarynyń búlinýine ákep soǵýy» boıynsha ákimshilik quqyq buzýshylyqqa qatysty materıal jınaldy. Іs Petropavl qalalyq mamandandyrylǵan ákimshilik sotyna protsessýaldy sheshim shyǵarý úshin jiberildi.
