Petropavlda tórt jasar bala besinshi qabattan qulap ketti
PETROPAVL. QazAqparat – Petropavlda tórt jasar bala besinshi qabatta ornalasqan páterdiń terezesinen qulap ketti, dep habarlaıdy QazAqparat tilshisi.
Tótenshe jaǵdaı departamentiniń baspasóz qyzmetinen málim etkendeı, qaıǵyly oqıǵa túske qaraı Amangeldi kóshesiniń boıynda bolǵan.
«Bala oblystyq balalar aýrýhanasynyń jansaqtaý bóliminde jatyr. Onyń qalaı qulaǵany anyqtalýda», - dep túsindirdi baspasóz qyzmetinen.
Densaýlyq saqtaý basqarmasynyń baspasóz qyzmeti sábıdiń óte aýyr halde jatqanyn habarlady. Bul jyl basynan beri bolǵan tórtinshi oqıǵa. Buǵan deıin terezeden qulaǵan balalar qaza tapqan edi.
Avtor: Olesıa Jýkoven
