Petropavlda tórt páterli úıde órtenip, eki adam mert boldy
PETROPAVL. QazAqparat – Petropavldaǵy Jumysshy kentinde barak tıpti úı órtenip, saldarynan eki adam qaza tapty, dep habarlaıdy QazAqparat tilshisi.
SQO Tótenshe jaǵdaılar departamenti baspasóz qyzmetiniń málimetinshe, 4 naýryzda túngi saǵat 00.55 mınýtte órt sóndirý qyzmetiniń «101» nómirine Petropavl qalasy, Lomonosov kóshesi, 1 mekenjaıdaǵy barak tıpti 4 páterli úıdiń janyp jatqandyǵy jóninde habar túsedi.
Oqıǵa ornyna eki órt sóndirý bólimshesi jiberildi. Mamandar kelgen kezde baspana tolyǵymen otqa oranyp úlgergen eken. On adam, sonyń ishinde eki bala jáne eki gaz ballony qaýipsiz jerge shyǵaryldy. Órt sóndirý barysynda úıden 46 jáne 42 jastaǵy eki er adamnyń denesi tabyldy.
Órtti sóndirýge 13 adam jáne 3 tehnıka jumyldyryldy. Jalyn tolyǵymen saǵat 01.41 mınýt ketkende aýyzdyqtaldy.
Mamandardyń aıtýynsha, órttiń saldarynan úıge aıtarlyqtaı zaqym keldi. Aldyn ala boljam boıynsha, órttiń shyǵýyna turmysta qaýipsizdik erejelerin saqtamaý sebep bolýy múmkin. Qazirgi tańda naqty sebebi jáne kelgen shyǵyn mólsheri anyqtalyp jatyr.
Jalpy, jyl basynan SQO-da 77 órt tirkelse, 11 adam mert bolǵan. Onyń ekeýi – bala.
