Petropavlda toǵyz qabatty úıden órt shyqty
NUR-SULTAN. QazAqparat - Petropavl qalasynda toǵyz qabatty turǵyn úı órtenip, 37 adam evakýatsııalandy, dep habarlaıdy QazAqparat tilshisi.
«7 sáýir kúni saǵat 15:34-te órtke qarsy qyzmet pýltine Petropavl qalasyndaǵy Batyr Baıan kóshesindegi toǵyz qabatty turǵyn úıdiń órtenýi týraly habar kelip tústi. Ot toǵyzynshy qabattaǵy balkonda tutanyp, kórshi balkonǵa ulasqan. Saldarynan 15 sharshy metr aýmaq órtendi», - dep habarlady QR ІІM Tótenshe jaǵdaıdar komıtetiniń baspasóz qyzmeti.
Oqıǵa ornyna jetken órt sóndirýshiler avtobaspaldaq arqyly 2010 jyly týǵan balany qutqardy. Sonymen birge, 37 turǵyn (onyń ishinde 8 bala) evakýatsııalandy.
«Órt saǵat 16:08-de oqshaýlandy jáne 16:11-de tolyq sóndirildi. Órtti sóndirýge SQO TJ deparatmentiniń 19 jeke quramy men 5 órt sóndirý tehnıkasy jumyldyryldy», - delingen resmı habarda.
