Petropavlda tóbelesken jastardyń biri bytyra oǵynan jaralandy
ASTANA. QazAqparat - Petropavl qalasynyń polıtsııa qyzmetkerleri buzaqylyqqa qatysy bar oblys ortalyǵynyń úsh turǵynyn qamaýǵa aldy, dep habarlaıdy «QazAqparat» HAA tilshisi.
Tergeý barysynda eki jas jigit arasynda kıkiljiń týyndap, ekeýi de óz dostaryn shaqyrǵany anyqtalǵan. Aqyry, eki taraptyń qaqtyǵysy sózben sheshilmeı, sońy tóbeleske ulasqan. Osynyń saldarynan tóbeleske qatysqandardyń birine bytyra oǵy tıgen, dep habarlaıdy Soltústik Qazaqstan oblystyq ІІD-niń baspasóz qyzmeti.
«QR Qylmystyq kodeksiniń «kisi óltirýge talpyný» jáne «buzaqylyq» baptary boıynsha sotqa deıingi tergeý amaldary bastaldy. Іzin sýyta qoımaǵan kúdiktilerdiń bári qolǵa túsip, ýaqytsha oqshaýlaǵyshqa qamaldy», - delingen habarlamada.
Atalǵan qylmystyq istiń tergeý barysy SQO ІІD men oblystyq prokýratýranyń jiti baqylaýyna alynǵan.
