Petropavlda tóbeles kezinde oq tıgen jigittiń aıaǵy kesildi
PETROPAVL. QazAqparat - Tóbeles kezinde jaralanǵan 19 jastaǵy jas jigittiń aıaǵyn kesti, dep habarlady «QazAqparat» HAA tilshisi.
1-shi qalalyq aýrýhananyń bas dárigeri Galına Mametova zardap shekken jigit aýrýhanaǵa aýyr jaǵdaıda jetkizilgenin aıtty. Qazir onyń ómirine esh qaýip joq.
«Jigitti oqıǵa ornynan jedel járdem kóligimen alyp keldi. Jaraqaty, qan ketý saldarynan jaǵdaıy aýyrlaı túsken. Oq aıaǵynyń tómengi sol jaǵyna, tize býynyna tıgen. Qajetti medıtsınalyq kómek kórsetildi. Konsýltanttar shaqyrtyldy. Sebebi tamyr-nerv túıini tolyqtaı jarylyp, aıaǵynyń tómengi bóligi jansyzdanyp qalǵan.
Dárigerler konsılıýmy aıaǵyn kesýge sheshim qabyldady. Eki táýlikte naýqastyń jaǵdaıy turaqtaldy. Jaǵdaıy qalypty. 7-8 kún aýrýhanada jatady», - dedi Galına Mametova.
Jastar arasyndaǵy atys ótken demalys kúnderi bolǵan , úsh kúdikti ustaldy. SQO ІІD derekterine sáıkes eki jaq kerisip qalyp, sońy tóbeleske ulasqan. Osynyń saldarynan tóbeleske qatysqandardyń birine bytyra oǵy tıgen. QR QK 293-baby 3-bóligi, 99-baby 2-bóligi boıynsha sotaldy tergeý júrip jatyr.
