Petropavlda tez buzylatyn taýardy tasymaldaıtyn vagondar qurastyrylady
«Petropavl aýyr mashına jasaý zaýyty» AQ men «COLL INFINITY» JShS-nyń yntymaqtastyǵy nátıjesinde tez buzylatyn azyq-túlik ónimderin tasymaldaýǵa arnalǵan ızometrııalyq vagondar shyǵaryla bastaıdy.
«Petropavl aýyr mashına jasaý zaýyty» AQ elimizdegi iri kásiporyndardyń biri. Naryqtyq jaǵdaıda turaqty damý maqsatynda zaýyt jańa jobany qolǵa aldy.
«COOL INFINITY» JShS-niń konstrýktorlyq qujattamasy boıynsha kásiporynda óndiristiń tolyq tsıkly jolǵa qoıylǵan. Injınırıngtik ortalyq óz kúshimen stapeldi stendtik jabdyqty jobalady. Áleýetti seriktesterimizben satylymdardyń kólemi týraly kelissózderge daıynbyz. Jańa joba kásiporyndardyń óndirisin tolyq júkteýge múmkindik beretini mańyzdy», – dedi «Petropavl aýyr mashına jasaý zaýyty» AQ bas dırektory Vadım Shaqshaqbaev.
Kásipkerler palatasy baspasóz qyzmetiniń habarlaýynsha, kásiporyn ókilderi jáne «COLL INFINITY» JShS bas dırektory Valentın Kargın «Atameken» QR UKP tóraǵasynyń orynbasary Evgenıı Bolgertke vagondar óndirisine qajetti qujattardy jedel ázirlep, ızometrııalyq vagondardyń sertıfıkattalǵandyǵy týraly aqparat berdi.
«Seriktesti izdeý kezinde kóptegen kásiporyndar qaraldy. Tańdaý «Petropavl aýyr mashına jasaý zaýyty» aktsıonerlik qoǵamyna tústi. Óıtkeni kásiporynnan bizge qajetti áleýetti baıqadyq. Birinshiden, zaýytta joǵary bilikti dánekerleýshi-mamandar jáne slesar-jınaýshylar jumys isteıdi. Ekinshiden, konstrýktorlyq-tehnologııalyq bólimniń áleýeti joǵary. Osynyń bári bizge aqpan aıynan bastap qysqa merzimde vagondardy óndirý, jınaý tizbekterin jolǵa qoıý, sáıkes kelý sertıfıkatyn alýǵa múmkindik berdi», – dedi JShS bas dırektory Valentın Kargın.
Kezdesý barysynda Evgenıı Bolgert ızometrııalyq vagondardy jasaýdyń barlyq kezeńderimen tanysty.
«Qazaqstandyq, syrtqy naryqtarda suranysqa ıe, jańa úlgidegi vagondardy jasaý boıynsha joba iske asyryldy. Bul vagondar Qazaqstannyń tranzıtti jáne eksportty áleýetin arttyrýǵa múmkindik beredi. Biz «Petropavl aýyr mashına jasaý zaýyty» AQ ónimin Reseı Federatsııasy naryǵyna shyǵarý boıynsha jospardy jasap qoıdyq. Ulttyq kásipkerler palatasy naryqta suranysqa ıe ónim shyǵaratyn, ımportty almastyrý boıynsha máselelerdi sheship, eksportqa baǵyttalǵan taýar usyna alatyn kásiporyndarǵa keshendi qoldaý kórsetý úshin QR Indýstrııa jáne ınfraqurylymdyq damý mınıstrligine ótinim jasamaq», – dedi Evgenıı Bolgert.
«Petropavl aýyr mashına jasaý zaýyty» AQ jáne onyń ınvestory – «COLL INFINITY» JShS yqtımal seriktestermen kezdesýge daıyn jáne ızometrııalyq vagondar óndirisi kólemin arttyrýdy kózdep otyr.
