Petropavlda teplovoz avtokólikpen soqtyǵysty
PETROPAVL. QazAqparat – Petropavlda temir jol ótkelinde kezekti jol-kólik oqıǵasy boldy, dep habarlaıdy QazAqparat tilshisi.
Apat ornynan túsirilgen fotosýretterde teplovozben soqtyǵysyp búlingen kólik beınelengen. Áleýmettik jelilerge tarǵan sýretterdiń astyna qaldyrylǵan pikirlerde «Citroën C4» markaly kólikti áıel adamnyń tizgindegeni jazylǵan. Bul oqıǵaǵa qatysty polıtsııa departamentiniń baspasóz qyzmeti de túsinik berdi.
«Oqıǵa ornyna jetkende «Citroën C4» markaly kóliginiń 50 jastaǵy júrgizýshisi Jol qozǵalysy erejesiniń 2.5 «STOP» belgisiniń talaptaryn buzǵany anyqtaldy. Jol-kólik oqıǵasy saldarynan eshkim zardap shekken joq, eki júrgizýshi de mas bolmaǵan. Tergeý júrip jatyr. Avtokólik júrgizýshisine qatysty materıaldar jınalyp, protsessýaldyq sheshim qabyldaý úshin Petropavl qalasynyń mamandandyrylǵan ákimshilik sotyna jiberiledi», - dep habarlady baspasóz qyzmeti.
Eske sala keteıik, temir jol ótkelinde osyǵan uqsaq jol-kólik oqıǵasy naýryz aıynda bolǵan edi.
Avtor: Olesıa Jýkoven
