Petropavlda tennısten halyqaralyq týrnır ótip jatyr
PETROPAVL. QazAqparat - Petropavlda tennısten halyqaralyq «ITFJuniorsG4» týrnıry ótip jatyr, dep habarlaıdy QazAqparat tilshisi.
Bes kúnge shaqtalǵan jarysqa elimizdiń qurama komandasy jáne AQSh, Reseı, Ózbekstan, Tájikstannyń 12-16 jas aralyǵyndaǵy sportshylary qatysýda. Baıraqty básekede júzden astam tennısshi ul-qyz baq synamaq. Olar jekeleı jáne jup bolyp óner kórsetedi. El namysyn qorǵaıtyn tennısshiler arasynda halyqaralyq deńgeıde tájirıbeleri mol sportshylar da barshylyq.
«Bul - álemdegi eń iri týrnırlerdiń biri desek qatelespeımiz. Sporttyń osy túrin Qazaqstannyń barlyq aımaqtarynda barynsha damytqymyz keledi. Jarysty Petropavl qalasynda uıymdastyrýymyzdyń sebebi de osy. Mundaǵy jastar osyndaı úlken saıystardy kórip, qyzyǵýshylyǵy oıanady. Qajetti tájirıbe jınaqtaı alady. Atalmysh saıysqa elimizdiń myqty degen, bolashaǵynan úmit kúttiretin jastary qatysýda. Tenısshilerimiz jerge qaratpaıdy dep senemiz», - deıdi tennıs federatsııasynyń atqarýshy dırektory ıÝrıı Polskıı.
Petropavlda byltyr álemdik standarttarǵa saı keletin tennıs ortalyǵynyń ashylýy osyndaı halyqaralyq týrnırdi ótkizýge múmkindik berdi.
Bul - SQO tennısten álemdik deńgeıde ótip otyrǵan alǵashqy týrnır. Jarys naýryzdyń 2-sine deıin jalǵaspaq.
