Petropavlda temeki shegýshiniń ańǵaldyǵynan órt shyqty
ASTANA. QazAqparat - Petropavldaǵy kópqabatty turǵyn úılerdiń birinde taǵy da temekiniń kesirinen órt shyqty, dep habarlaıdy «QazAqparat» HAA QR ІІM Tótenshe jaǵdaılar komıtetiniń baspasóz qyzmetine silteme jasap.
«8 naýryz kúni saǵat 22.51-de 5 qabatty turǵyn úıdiń 3-shi qabatyndaǵy páterden órt shyqty. 25 adam, sonyń ishinde 3 bala evakýatsııalandy. Órt túngi saǵat 23:12-de sóndirildi. Órt sóndirýshiler 1964 jylǵy er adamdy qutqaryp qaldy. Ol ıis gazymen ýlanyp, aýrýhanaǵa jetkizildi. Órttiń aldyn ala shyǵý sebebi - temeki shegý kezindegi salaqtyq», - delingen habarlamada.
Órt sóndirýshilerdiń 12 qyzmetkeri men 3 tehnıka órt sóndirýge tartyldy.
