Petropavlda tasqynnan zardap shekkenderdiń bir bóligi áli kúnge baspanasyz júr

PETROPAVL. KAZINFORM – Petropavlda kóktemgi tasqyn kezinde úıi sýǵa ketken 25 otbasy qujattarynyń joq bolýyna baılanysty baspana ala almaı otyr.

Petropavl qalalyq ákimdiginiń málimetinshe, bul turǵyndar úılerin óz attaryna túsirip, qujattaryn túgendeýge asyqpaǵan. Máselen, Oıqala yqsham aýdanynda turǵan Valentına Vladımırova 20 jyl boıy baspanasyz resimdemegen. Kóktemde úıi sýǵa ketip, turýǵa jaramsyz dep tanylǵanda, másele týyndaǵan.

- Tasqynnan zardap shekkenderge baspana berý tártibi bar. Belgili bir qujattardy jınap tapsyrýy kerek. Sonyń ishinde apatty dep tanylǵan úıdiń ótinish jazǵan adamnyń atynda ekeni rastalýy tıis. Qujattar tolyq bolmaǵandyqtan, qate shyqqandyqtan birneshe ret keri qaıtaryldy.

Mundaı másele 25 otbasynda týyndady.

Qujattaryn túgendegesin-aq másele sheshimin tabady, baspana satyp alamyz nemese jalǵa berý-kommýnaldyq qordan beriledi, - deıdi ákimdik ókilderi.

Esterińizge salaıyq, SQO-da bıyl kóktemdegi jaǵdaı qaıtalanbas úshin, bógetter nyǵaıtylyp jatyr. Bıyl sý basqan eldi mekenderdiń aınalasy ǵana emes, strategııalyq nysandar mańynda da bógetter turǵyzyldy. 

Petropavldaǵy «Bıotoǵan» — sarqyndy sý jınaqtaǵysh aınalasyndaǵy bóget bıiktetilip, sý shaımas úshin beton plıtalarmen nyǵaıtyldy.