Petropavlda tasqynnan zardap shekken 31 otbasy páterge ıe boldy
PETROPAVL. KAZINFORM – Petropavlda tasqynnan zardap shekken 380 otbasynyń páteri jaramsyz dep tanyldy. 31 otbasy sýǵa ketken úıleriniń ornyna páter aldy.
Soltústik Qazaqstan oblysynyń ákimi Ǵaýez Nurmuhambetov sý tasqynynan zardap shegip, sýǵa ketken baspanalarynyń ornyna páter alǵan qala turǵyndarynyń shańyraqtaryna baryp, qonys toımen quttyqtady.
ıÝlııa Sabıtova Oıqala yqsham aýdanynda turǵan, sý basqan baspanasy múlde jaramsyz bolyp, endi uly jáne ata-anasymen birge úsh bólmeli páterge kóshti.
«Maǵan jer úı de usyndy, biraq tańdaý páterge tústi. Ulyma aýtızm dıagnozy qoıylǵan. Sondyqtan maǵan páter yńǵaıly. Páter unady, jóndelgen, kerekti jıhazdyń bári bar», - deıdi Petropavl turǵyny.
Al Qýanysh pen Gúlden Serikovter jańa úıden bir bólmeli páter aldy. Otbasynyń eki balasy bar.
«Bizdiń úıimiz 1959 jyly salynǵan. Іrgetasy jarylyp, otyryp qaldy. Osy úıdi ózimiz tańdadyq. Jumysqa, balabaqsha jaqyn. Kóp rahmet. Qalǵan zardap shekkender de tezirek úılerine kirsin dep tileımin. Mundaı jaman jaǵdaı endi qaıtalanbasa eken», - deıdi Qýanysh Serikov.
Oblys ákimi turǵyndardyń jaǵdaıyn kórdi.«Prezıdenttiń tapsyrmasy boıynsha zardap shekkenderge kómek kórsetý, baspanamen qamtamasyz etý jumystary júrgizilip jatyr. Búgingi kúni olar úshin Petropavldan 31 páter satyp alyndy. Bul jumys jalǵasady. Páterler pýly jasaqtaldy, zardap shekkenderde tańdaý bar: páterdiń nemese Solnechnyı-2 shaǵyn aýdanynda salynyp jatqan 520 úıdiń biriniń ıesi bola alady», - deıdi SQO ákimi Ǵaýez Nurmuhambetov.
SQO ákimdiginiń málimetinshe, 380 otbasy páter alýǵa komıssııadan ótti. Olardyń 40-nyń ótinishi qaralyp jatyr. Sondaı-aq «Solnechnyı-2» shaǵyn aýdanynan baspana alýǵa 42 ótinish túsken.
Buǵan deıin SQO-da prokýratýra 20 jer ýchaskesin memleket menshigine qaıtarǵanyn aıtqan edik.
