Petropavlda tasqyn kezinde sý basqan №14 mektep jóndelip jatyr
PETROPAVL. KAZINFORM – Petropavlda sý tasqyny kezinde Oıqala yqsham aýdanyndaǵy turǵyn úılermen birge mundaǵy mektepke de zaqym keldi. Ǵımarattyń jertólesi men birinshi qabaty sý astynda qaldy. Qazir nysanda jóndeý jumystary qyzǵan.
Petropavldaǵy Oıqala shaǵyn aýdanyndaǵy ıÝ.A. Gagarın atyndaǵy №14 orta mekteptiń negizi 1961 jyly qalanǵan. Kóktemgi sý tasqyny saldarynan birinshi qabatqa kúrdeli jóndeý qajet.
«Arnaıy komıssııa tekserip, mektepti qalpyna keltirýge jaraıdy degen sheshim qabyldady. Nysandy jóndeýmen «Mıras group» JShS aınalysyp jatyr. Merdiger kompanııa jumysty eki aýysymda uıymdastyrǵan. Qurylysshylar qabyrǵalardy sylap, jańa eden tósep jatyr. Qazir sý, elektr jáne jylytý júıesin jańartý jumystary qyzǵan», - delingen Soltústik Qazaqstan oblysy bilim basqarmasy baspasóz qyzmetiniń jaýabynda.
Vedomstvonyń málimetinshe, apatqa deıin bilim ordasynda Oıqalanyń 400-den astamy balasy bilip alǵan. Jańa oqý jylynda jóndelgen mektepte 185 bala oqıdy dep josparlanyp otyr.
Petropavl qalasynyń ákimi Serik Muhamedıev mekteptiń ekinshi jáne úshinshi qabattarynda aǵymdaǵy jóndeý júrgiziletinin aıtty. Qazirgi ýaqytta áleýmettik nysandy 1 qyrkúıekke deıin jóndep, paıdalanýǵa berý mindeti tur.
Oıqala yqsham aýdanynda ázirge tasqynnyń saldaryn joıý jumysy aıaqtalǵan joq. Mehanıkalyq brıgadalar jumys istep jatyr. Aýdandardan kelgen qurylysshylar qalpyna keltirýge jaramdy degen úılerdi jóndeýge kómektesip, apatty baspanalardy buzyp shyǵaryp jatyr.
Buǵan deıin Petropavlda bir otbasynda on toǵyzynshy balanyń dúnıege kelgenin jazǵan edik.
