Petropavlda tártip saqshylary 300 myń teńge para alyp jatqan kezinde ustaldy

PETROPAVL. QazAqparat – Petropavlda patrýldi polıtsııa batalonynyń eki qyzmetkeri 300 myń teńge para aldy degen kúdikpen ustaldy, dep habarlaıdy QazAqparat tilshisi.

Petropavl qalalyq polıtsııa basqarmasy patrýldik polıtsııa batalonynyń eki qyzmetkeri parany alyp jatqan kezinde ustalǵan. Soltústik Qazaqstan oblysy sybaılas jemqorlyqqa qarsy qyzmettiń málimetinshe, tártip saqshylary avtokólik júrgizýshisinen ony ákimshilik jaýapkershilikke tartpaǵany úshin 300 myń teńge kóleminde aqsha alǵan.

Qazir osy iske qatysty sybaılas jemqorlyqqa qarsy qyzmet sotqa deıingi tergeýdi bastady.

Túpkilikti sheshim tergeý áreketteriniń nátıjeleri boıynsha qabyldanady.

Mamandardyń aıtýynsha, laýazymdy tulǵalardyń zańsyz áreketi týraly azamattar júgingen.