Petropavlda tanysynyń telefony arqyly qaryz alǵan turǵyn ustaldy
Soltústik Qazaqstan oblysy polıtsııa departamentiniń málimetinshe, Petropavl turǵyny ınternet-alaıaqtan zardap shekkenin jaqyn adamdary almaǵan qaryzdy suraı bastaǵanda biraq bilgen. Teksere kele bireýdiń áıeldiń telefonyn uryn ıemdenip, qosymshalaryn paıdalanǵany anyqtaldy.
Alaıaq WhatsApp messendjeri arqyly áıeldiń atynan habarlamalar jazyp, tanystarynan qaryz suraǵan, keıin kartochkasyna túsken aqshany sheship otyrǵan.
Polıtseıler jábirlenýshiniń aınalasyndaǵylardy tekserip, burynǵy áriptesi, 26 jastaǵy petropavldyqtyń qatystylyǵyn anyqtady. Jigit birge jumys istep júrgen kezinde jábirlenýshiniń parolin qarap, esine saqtap alǵanyn moıyndady. Keıin telefonyn qońyraý shalýǵa surap alyp, qupııa aqparatty paıdalanyp, 270 myń teńgesin ıelengen. Atalǵan fakti «Alaıaqtyq» baby boıynsha Sotqa deıingi tergep-tekserýlerdiń biryńǵaı tizilimine engizildi.
«Internet-alaıaqtardyń kózdegeni - uıaly telefondar men qosymshalardyń parolderi sııaqty qupııa aqparattar, ásirese bank kartalarynyń pin-kodtary jáne cvv-kodtary. Bul aqparattardy jan adamǵa aıtpaı, qupııa saqtaý qajet. Qazirgi kezde qaskóıler qupııa aqparattardy qolǵa túsirý úshin alaıaqtyqtyń túrli aıla-amaldaryn meńgerip alǵan. Sol sebepti jeńil parolderdi paıdalanbaýǵa jáne basqa qosymshalarǵa olardy qaıta qoldanbaýǵa keńes beremiz. Eger messendjer nemese áleýmettik jeliler arqyly tanystaryńyz qaryz surasa, ýaqyt taýyp, ol adammen habarlasyp, habarlama jibergenine kóz jetkizińiz. Qazir áleýmettik jelilerdegi jalǵan akkaýnttardan mundaı ótinishterdiń túsýi jıilep ketti. Alaıaqtar bóten adamdardyń sýretteri men jeke málimetterin qoldanyp akkaýnttar ashady. Sondyqtan jaqyndaryńyzben ınternet arqyly habarlamalarmen ǵana shektelip qoımaı, jeke tildesken abzal», - deıdi Petropavl qalalyq polıtsııa basqarmasynyń birinshi bólim bastyǵy Tilegen Áljanov.