Petropavlda syrǵanaq teýip júrip jaraqat alǵan boıjetkenniń jaǵdaıy aýyr
PETROPAVL. QazAqparat - Soltústik Qazaqstan oblysynda tıýbıngpen syrǵanap júrgen qyz jaraqat alyp, jansaqtaý bólimine tústi, dep habarlaıdy QazAqparat.
Oblystyq densaýlyq saqtaý basqarmasy baspasóz qyzmetiniń málimetinshe, boıjetken qazir oblystyq kópsalaly aýrýhananyń jansaqtaý bóliminde jatyr. Jaǵdaıy aýyr.
Áleýmettik jelilerde taraǵan aqparatta jeli qoldanýshylary qyzdyń tıýbıngke otyryp, tómen qaraı quldılap kele jatqanda aǵashqa soǵylǵanyn jazǵan.
Qaıǵyly jaǵdaı Borka eldimekeninde bolǵan. Ol jerde sportshylarǵa arnalǵan shańǵy trassasy bar.
Bıyl atalǵan eldimekendegi syrǵanaqqa kópshilik jıi baratyn boldy. Koronavırýs pandemııasyna baılanysty bıylǵy qysta aımaqta syrǵanaqtar men muz aıdyny salynbady.
Sondyqtan petropavldyqtar kádimgi tóbeshikterde nemese aýladaǵy balalarǵa arnalǵan temir syrǵanaqta syrǵanap júr.
Atalǵan jaǵdaıdan keıin Borkadaǵy syrǵanaq jabyldy.
