Petropavlda Sybaılas jemqorlyqqa qarsy qozǵalys belsendileri EkoFest ótkizdi
Tazalyq marafonynyń ótýine Petropavldaǵy Jastar resýrstyq ortalyǵy men QR Sybaılas jemqorlyqqa qarsy is-qımyl agenttigi SQO boıynsha departamenti uıytqy boldy. Jaýyn-shashynǵa qaramastan jastar qoldaryna qaptaryn alyp, 20 yqsham aýdandaǵy Esil ózeniniń jaǵalaýyn jınaýǵa shyqty.
«Búgin Adaldyq jáne preventsııa basqarmasy qoǵamda sybaılas jemqorlyqqa qarsy mádenıetti qalyptastyrýda jáne adaldyq prıntsıpterin ustanýda birqatar jumystar atqaryp jatyr. Basqanyń eńbegin qurmetteý de ádeptilik, ónegelilikke jatady. Apta saıyn senbilikterde tonnalap qoqys jınalady. Al ol qoqys qaıdan keledi? Bul adamgershiligi tómen adamdardyń isi der edim», - dedi Adaldyq jáne preventsııa basqarmasynyń jetekshisi Damır Habıbýlın.
Festıval «Qalany birge tazartamyz!» uranymen ótti. Aktsııaǵa qatysýshylar komandalarǵa bólindi. Bıznes ókilderi de sharadan shet qalmady.
«Bul shara jastardy senbi kúni óz aýlalaryn qoqystan tazartýǵa yntalandyrady dep oılaımyn. Al bizdiń shıkizat qabyldaıtyn oryndarymyz qoqys úshin aqsha tóleýge ázir», - deıdi «LS Petropavlovsk» JShS dırektorynyń orynbasary Vıktorııa Redkına.
SQO Sybaılas jemqorlyqqa qarsy qyzmettiń málimetinshe, bul kúni eń kóp qoqys jınaǵan komandaǵa boýlıng ortalyqqa sertıfıkat berildi. Jalpy belsendiler EkoFest barysynda Esil jaǵalaýynan 60 qap nemese 260 keli qoqys shyǵardy.
