Petropavlda sýyq tıip dárigerge qaralǵan áıelden COVID-19 tabyldy
PETROPAVL. QazAqparat – Petropavlda ystyǵy kóterilip, tamaǵy aýyrǵan áıelde koronavırýs ınfektsııasy anyqtaldy, dep habarlaıdy QazAqparat tilshisi.
Jedel shtabtyń málimetinshe, aýyrǵan adam 33 jastaǵy Petropavl qalasynyń turǵyny. Dárigerge qaralǵan kezde onda sýyq tııýdiń belgileri - joǵary temperatýra, álsizdik bolǵan. Tamaǵy qyzaryp, aýyrǵan. Mamandar birden COVID-19 vırýsyna tekserdi. Áıeldiń qaýipti indetti juqtyrǵany rastaldy.
Qazir naýqas Petropavl qalalyq aýrýhanasynyń juqpaly aýrýlar bóliminde emdelip jatyr. Onymen baılanysta bolǵan 9 adam anyqtaldy. Epıdemııalyq tergeý jumystary jalǵasady.
Jalpy, SQO-da koronavırýs ınfektsııasyn juqtyrǵan 65 adam bar. Olardyń 48-i emdelip shyqty.
